Kabataan at Teknolohiya

http://www.nlr.nl/images/ASSP/earth9_text_crop_H.jpg

 Hindi maikakala na kasabay ng pag-usad ng ating bansa ay ang paglaganap din ng iba’t-ibang teknolohiya. Teknolohiya tulad na lamang ng mga cellphones, computers at ngayon ay ang internet kung saan mayroong facebook,blogger, at kung anu-ano pang websites, na karaniwang ang mga tumatangkilik ay ang mga kabataan ng makabagong henerasyon.

 Sa katunayan ayon sa ulat sa Chapter 5: The Digital Generation: How Young People Have Embraced Computers And The Internet, matanda o bata man hindi tataas sa gulang na 25 ay gumagamit ng mga nasabing teknolohiya. Dahil sa gulang na 10 pa lamang ay natutunan na ang paggamit nito.

Ayon pa din sa ulat ay mas malaki ang posibilidad ng pagkakaroon ng “computers, cellphones” sa mga tahanang binubuo na mayroon malaking bilang ng mga kabataan kaysa sa pamilyang kaunti ang anak. Tinatayang nasa 70.1% kumpara sa 58.8%.

Source: NTIA and ESA, U.S. Department of Commerce, using U.S. Census Bureau Current Population Survey Supplement

Hindi naman natin maisasantabi ang mga mabuting dulot nito sa atin. Gaya na lamamg sa  pagkuha ng mga impormasyon sa kung anumang partikular na isyu. Gayundin, makakatulong ito sa mga kabataan na magkaroon ng komunikasyon sa mga kamag-anak, lalo pa at karamihan sa ating mga Pilipino ay mga OFW. Kaugnay nito, maaring makahanap ng mga bagong kaibigan , higit para sa mga taong nahihiyang makipagusap ng tradisyonal at makipagkaibigan sa iba.

youth as cyborgs

Kasabay ng paggamit ng teknolohiyang ito ay hindi maiiwasan na magkaroon ng komplikasyon sa paraan ng paggamit nito. Tulad na lamang ng paninirang puri sa kapwa na isinasagawa “online” lalo pa at nagkalat ngayon ang mga social-networking sites tulad ng “facebook” at “twitter” lalo pa at ang patutungkulan ito ay itinuturing na kaaway. Ang gawaing ito may matatawang na cyberbullying, Internet harassment, at Internet bullying. Halos 33% na kabataan na ang nagiging biktima ng nasabing suliranin sa paggamit ng teknolohiya, kung saan sa 33 porsyentong ito ay 56 ay biktima ng mga “chatrooms”,49 naman ay nanggaling sa mga “text messages” at 28 din mula sa “e-mails”.

Syempre gaya ng karaniwang resulta ng ganitong pangyayari nagbubunga ito ng hindi maganda  sa taong naging biktima nito at nagreresulta ng pagkawala ng tiwala sa sarili at maging sa kapwa nila. Gayundin, problemang emosyonal o maging pang-sosyal.

Sa henerasyon nating ito hindi natin maiiwasang makapagpahayag ng kung anumang nasa ating saloobin lalo pa at nakapaloob ito sa ARTIKULO III – REPUBLIKA NG PILIPINAS 1987, na nagbibigay karapatan at kalayaan sa ating makapagsalita at maipahayag ang ating nais isatinig. Gayundin sa paglaganap ng mga teknolohiya sa paligid na maaring gamiting pagpapahayag.

Ngunit sa kabilang banda, ang paggamit ng ating karapatan kasabay ng mga makakabagong teknolohiya ay nararapat lamang magkaroon ng karampatang responsibilidad at pananagutan nangsagayon upang hindi lamang maiwasan ang sigalutan sa lipunan at sa kapwa bagjkus makatulong sa  pagpapaunlad ng ating bansa.#

Michelle V. Octa